Inicio > Ruta do casco histórico
Características:
Punto de saída: Praza de Irmáns Garcia Naveira.
Puntos de interese: Seis.
Distancia aproximada: 1,5 Km.
Tempo aproximado: 1 hora.
O punto de partida deste itinerario intramuros é a praza Irmáns García Naveira. As épocas medievais e modernas son as verdadeiras protagonistas do roteiro.Todo o casco histórico de Betanzos está declarado Conxunto histórico-artístico desde o ano 1970.
1- Porta da Vila
A porta da Vila foi construída, como toda a muralla, a fins do século XV e primeiros do XVI
substituíndo e ampliando as antigas murallas da cidade medieval. Foi derrubada en 1872.
2- Casas góticas da Rúa da Cerca
No número 5 da Rúa da Cerca está a casa máis antiga de Betanzos, edificada a fins do século XV. Toda
esta parte baixa da cidade é denominada como “Barrio Gótico”.
3- Praza de Fernán Pérez de Andrade o Bo
A praza de Fernán Pérez de Andrade o Bo é un lugar recomendábel para contemplar o solpor nas igrexas
de Santa María e San Francisco. Nos arredores desta praza asentábanse as vivendas de mariñeiros e
pescadores que tamén ocupaban a ribeira.
4- Santa María do Azougue
A igrexa de Santa María construiuse entre os séculos XIV e XV. Destacan
os grupos escultóricos do altar maior, do século XV en madeira policromada.
5- Igrexa Conventual de San Francisco
Está considerada como un dos mellores exemplos de gótico mendicante da
orde franciscana de toda a península ibérica. Comenza a construirse no a partires do ano 1385. No
interior garda o sepulcro de Fernán Pérez de Andrade o Bo considerada a obra máis importante de
escultura funeraria de Galiza.
6- Escolas Municipais Xesús García Naveira
As cores, a heterodoxia dos materiais (azulexos, cimento, ladrillo) as
reminiscencias de estilos arquitectónicos pasados (toques musulmáns e barrocos) converten o conxunto
nunha das obras máis orixinais da cidade.
7- Praza da Constitución
Esta praza é a orixe da cidade de Betanzos tal e como a coñecemos hoxe.
A ela abren edificios importantes coma a Casa do Concello, a igrexa de Santiago, ou o pazo de
Bendaña.
